Í hesi vikuni var eitt framstig í samband við lestrarfyrisitingarskipanina hjá føroyska undirvísingarverkinum, Kervi+. Nú ber til at søkja um lestrarpláss á Fróðskaparsetri Føroya við at senda umsókn gjøgnum Vangan umvegis Undirvísingarstýrið.

Hetta gert tú við at finna Undirvísingarstýrið inn á Vanganum, og har ber til at trýsta á “hægri útbúgvingar”.

Hin mátin er at søkja beinleiðis á heimasíðuna hjá setrinum, www.setur.fo, við at fara inn á útbúgvingina, sum tú vilt søkja, og har trýsta á knøttin "Søk umvegis Vangan".

Til ber framvegis at søkja upp á gamla mátan við at fylla umsóknarblað út. Leinki til umsóknarblað er niðast á somu síðu, har tín útbúgving er.

Í fyrsta umfari er talan um eina útbúgving, sum er tøk at søkja. Tað er bachelorútbúgvingin í sjúkrarøktarfrøði.

Les meira her